Një 65-vjeçar është arrestuar, pasi dyshohet se është autor i vënies së zjarrit në fshatin Gjon, Martanesh.
Gjithashtu, ka nisur procedimi penal në gjendje të lirë i një mituri, shtetasit A.K, 15 vjeç, i cili dyshohet se është autor i vënies së zjarrit më datë 24.08.2017 në fshatin Muhurr, Dibër.
Njoftimi i policisë:
Dibër
Arrestohet një shtetas, i dyshuar si autorë i zjarrit në fshatin Gjon, Martanesh, Bulqizë, si dhe procedohet në gjendje të lirë një shtetas tjetër, i dyshuar si autor i zjarrit në fshatin Muhurr, Dibër.
Nga Specialistët për Hetimin Krimit, në Komisariatin e Policisë Bulqizë, u arrestua në flagrancë shtetasi :
Dylaver M, 65 vjeç, banues në fshatin Gjon, Bulqizë.
Arrestimi i tij u bë pasi dyshohet të jetë autori i vënies së zjarrit më datë 29.08.2017 në fshatin Gjon, Martanesh, ku si pasojë është djegur një sipërfaqe pylli prej 500 m2.
Ky shtetas dyshohet se është autor i zjarrvënies edhe në fshatin Lenë, ku me datë 24.08.2017, është djegur një sipërfaqe pylli (me pisha).
__
Nga Specialistët për Hetimin Krimit, në Komisariatin e Policisë Dibër, filloi procedimi penal në gjendje të lirë ndaj shtetasit :
A.K, 15 vjeç, banues në Muhurr-Dibër.
Procedimi penal ndaj tij filloi pasi dyshohet të jetë autori i vënies së zjarrit më datë 24.08.2017 në fshatin Muhurr, Dibër, ku si pasojë është djegur një sipërfaqe pylli, rreth 10 dynym (dushk, shkurre)
Po punohet për dokumentimin e plotë të kësaj ngjarje.
Materialet i kaluan Prokurorisë së Rrethit Gjyqësor Dibër për veprën penale “Shkatërrimi i pronës me zjarr” parashikuar nga neni 151 i Kodit Penal, në ngarkim të shtetasit D.M. dhe për veprën penale “Shkatërrim me zjarr i pyjeve dhe mjedisit pyjor”, parashikuar nga neni 206/a, i K.Penal, në ngarkim të shtetasit A.K.
