Mbrëmjen e sotme në Elbasan, një banesë e braktisur në qendër të qytetit është përfshirë nga zjarri.
Flakët kanë shkrumbuar banesën që ndodhet shumë pranë Bashkisë. Zjarri rrezikon të shkaktojë dëme në disa dyqane që ndodhen në një pallat ngjitur me banesën e braktisur.
Në vendngjarje ndodhen 3 zjarrfikëse të cilat po punojnë për lokalizimin dhe shuarjen e plotë të flakëve.
Po punohet për zbardhjen e plotë të rrethanave të ngjarjes.
