Një fabrikë që prodhonte çanta është përfshirë nga një zjarr i madh në kryeqytetin indian, Delhi. Për pasojë, 43 punëtorë kanë humbur jetën, kurse dhjetëra të tjera kanë mbetur të plagosur.
Sipas mediave ndërkombëtare, zjarri shpërtheu në orët e para të mëngjesit të së dielës në një lagje të vjetër të qytetit, në një ndërtesë 4-katëshe.
Kryeministri i Indisë Narendra Modi u shpreh se kjo ngjarje është e tmerrshme, ndërsa shtoi se autoritetet po japin gjithë ndihmën e mundshme.
