Një ngjarje e rëndë ka ndodhur sot në zonën Vorës, ku një 62-vjecar ka goditur me sëpatë komshiun e tij 46-vjeçar.
Sipas raportit të policisë, ngjarja ka ndodhur në fshatin Domje, ku pas marrjes së njoftimit për një konflikt pronësie mes dy shtetasve për motive pronësie, menjëherë kanë shkuar në vendngjarje duke parandaluar përshkallëzimin e mëtejshëm të konfliktit.
Policia ka arrestuar në flagrancë shtetasin I.T, 62 vjeç për veprën penale “Plagosja e rëndë në gjendje të tronditjes së fortë psikike”. Ndërkohë, komshiu i agresorit, shtetasi B.A, 46-vjeç ndodhet në spital jashtë rrezikut për jetën.
Njoftimi i plotë i policisë:
Vorë, Tiranë
Policia parandalon përshkallëzimin e mëtejshëm të një konflikti për motive pronësie.
Plagosi me mjet prerës 46-vjeçarin, arrestohet në flagrancë autori
Shërbimet e Komisariatit të Policisë Vorë, pas marrjes së njoftimit për një konflikt pronësie mes dy shtetasve në fshatin Domje, ku njëri prej tyre kishte përdor mjet prerës sopatë, menjëherë kanë shkuar në vendngjarje duke parandaluar përshkallëzimin e mëtejshëm të konfliktit.
Nga veprimet e para hetimore rezultoi se shtetasi I.T, gjatë një konflikti për motive pronësie me komshiun e tij shtetasin B.A, në kushte të rënduara psikike e ka goditur me sopatë.
Shtetasi B.A, ndodhet në spital jashtë rrezikut për jetën
Në përfundim të veprimeve, Specialistët e Seksionit për Hetimin e Krimit në Komisariatin e Policisë Vorë, arrestuan në flagrancë shtetasin: I. T., 62 vjeç, banues në Domje, për veprën penale “Plagosja e rëndë në gjendje të tronditjes së fortë psikike”.
