Pasi kaloi pengesën Athletico, Zinedine Zidane nuk kishte si ta fshihte lumturinë. Ai tha për mediat: “Jemi shumë të lumtur që do të jemi në finale, për të dytin vit radhazi. Kam një ekip të madh, me futbollistë të mëdhenj. Merita për gjithçka është vetëm e tyre.”
Megjithatë, trajneri i Realit e vlerësoi jashtë mase ekipin kundërshtar, ndërsa tha se te Zonja e Vjetër ai ishte bërë burrë.
“Te Juve jam bërë burrë. Kam kaluar pesë vite dhe për mua kjo përballje ndaj tyre do të jetë mjaft speciale. Zemra ime është juventine”.
I pyetur nëse e sheh skuadrën e tij si favorite në finalen e Champions League, që do të luhet më 3 qershor, Zidane tha:
“Nuk mund të them se jemi favoritë. Është shumë e vështirë t’i shënosh gol këtij Juventusi, por edhe në sulm kanë futbollistë të zotë dhe me kualitet, ndaj nuk do të jetë e lehtë. Nuk mendoj aspak se ne jemi favoritë”.
