Kreu i Shtetit, Ilir Meta, i ka shprehur ngushëllime kryetarit të Partisë Demokratike, Lulzim Bashës, pas ndarjes nga jeta së të atit. Meta thotë se ka mësuar me hidhërim lajmin për ndarjen nga jeta të Xhelal Bashës.
“Mësova me hidhërim për ndarjen nga jeta të z.Xhelal Basha.
I shpreh ngushëllimet më të sinqerta z.Lulzim Basha për humbjen e rëndë të babait, si dhe të gjithë familjes Basha!
U prehtë në paqe!”, shkruan presidenti Meta.
Babai i kryedemokratit, Xhelal Basha, u nda nga jeta pas një beteje me një sëmundje të rëndë. Prej muajsh ai ishte i shtruar në spital, ndërkohë që dje mbylli sytë në moshën 85-vjeçare.
Për herë të fundit, babai i kryetarit të PD-së, është shfaqur në publik kur e ëma e Bashës kishte ditëlindjen, në qershor të vitit 2020. Bashkë me të vëllanë, kreu i PD-së, Lulzim Basha u “zhvesh” nga roli i politikanit, dhe bëri një urim nga banesa e tyre.
