Për analistin e njohur Artur Zheji, parlamenti i tanishëm, nuk ka moral që të shkarkojë Presidentin e Republikës, Ilir Meta.
I ftuar në emisionin ”Pikat mbi i në ”News 24”, Zheji u shpreh se parlamenti nuk përfaqësohet me të 140 deputetët, ashtu siç duhet të jetë sipas ligjit.
Sipas Zhejit, plani për të shkarkuar Kreun e Shteti është i mbyllur, sepse kryeministrit Edi Rama i duhet vendi i lirë në Presidencë.
Artur Zheji: ”Në këto zgjedhje pati gjak e probleme, janë bërë shumë gjëra që në një vend që do krijonin anormalitet kategorik. Meta nuk paska njohur shumë gjëra, por një nga to, nuk ka njohur deri në fund Edi Ramën. Moralisht Rama nuk ka të drejtë me këtë parlament ta rrëzojë, ta shkarkojë, moralisht ky parlament duke qenë se nuk ka 140 deputetë nuk ka të drejtë ekzistence, por derisa ndërkombëtarët nuk e shohin dhe Presidenti ka dhënë e marrë. Precedenti që ka krijuar ky parlament, PPP-ra që i ka kthyer në ligj, do vazhdojë të bëjë tjetrën. Kanë ndodhur luftëra në botë për mosnjohjen e kundërshtarit. Është e mbyllur plani për të shkarkuar Metën, sepse Ramës i duhet i lirë vendi i Presidencës. PS po shfrytëzon situatën dhe për të çuar afër realizimit planin e përcaktuar.”
