Kryeministri britanik, Boris Johnson, i cili po kalon pushimet verore në një fshat skocez, është përballur me një situatë të papritur.
Pronari i tokës, Kenny Cameron, është nevrikosur jashtë mase kur kuptoi se Johnson dhe e fejuara e tij kishin ngritur tendën e tyre në tokën e tij, pa i pyetur më parë.
Një arsye tjetër pse ai u zemëruar ishte se ata ishin ngjitur mbi gardhin e tij, për të arritur në tendën e kanavacës me ngjyrë kremi, në vend që të përdorin portën në fushë.
Gjithashtu, fermeri ishte i shqetësuar se zjarri që ata kishin ndezur në kamp mund të rrezikonte përhapjen e flakëve, për shkak të kushteve të thata të bishtajave në javët e fundit.
“Z. Johnson ka menduar të udhëheqë vendin dhe akoma ai nuk po jep një shembull të shkëlqyer. Zakonisht nëse njerëzit duan të futen brenda një zone të rrethuar, ata së pari kërkojnë leje, por mua nuk më pyetën. Ngriti çadrën në tokën time pa pyetur fare. Po të kishte pyetur sigurisht që do ta lejoja”, tha Cameron për MailOnline.
