Prej disa ditësh, aktorja e njohur shqiptare Adea Shabani rezulton e zhdukur. Autoritetet amerikane kanë vënë në dispozicion një shumë prej 25 mijë dollarësh, për këdo që ka informacion për studenten shqiptare të aktrimit nga Maqedonia, e cila u zhduk në Hollywood 11 ditë më parë.
Më 23 shkuar, Adea Shabani është zhdukur në rrethana misterioze dhe pa lënë gjurmë.
Për, herë të fundit ajo është parë në Wilcox Avenues, jo shumë larg vendit ku banonte. Të njëjtën ditë ajo ishte parë edhe në zonën e Santa Clarita Valley.
E reja ishte larguar nga Maqedonia, për të ndjekur ëndrrat e saj. Në Amerikë ajo po studionte për aktrim dhe kishte rreth 2 vite që jetonte në Los Angeles.
Por, nga ana tjetër miqtë dhe famiuljarët e saj janë shumë të shqetësuar, të cilët sa më shumë kalon koha aq më të frikësuar janë për të, vijojnë kërkimet pa pushim. Në të gjithë zonën ku ajo jetonte janë vendosur fletushka me të dhënat e së resë, ndërsa mediat amerikane, por jo vetëm, i kanë kushtuar vëmendje lajmit për zhdukjen e 25-vjeçares.
“Kanë kaluar 11 ditë dhe sigurisht që jemi të frikësuar, por po lutemi për të”, tha një mikeshë e saj.
Miqtë e saj thanë se ndjenë që diçka nuk shkonte me Shabanin, kur ajo nuk po u kthente përgjigje në telefon. “Nuk ishte në karakterin e saj, ajo përgjigjej gjithmonë“, shpjegoi për amerikanen ABC7 mikesha e saj.
Nëna e Shabanit ka punësuar një detektiv privat me shpresën për të gjetur të bijën dhe aktualisht ndodhet në Amerikë.
Ishte pikërisht detektivi Jayden Brant i cili tha se është vënë në dispozicion shpërblimi prej 25 mijë dollarësh, për informacione që do të çonin në gjetjen e studentes.
“Nuk ka asnjë provë që të tregojë se është larguar vetë. Kjo nuk diçka e vullnetshme. Nuk kemi asnjë të dhënë që ajo donte të dëmtonte veten”. TIRANA TODAY
= 
