Një përballje me tone të larta në emisionin “Open”, është krijuar ndërmjet kryebashkiakut të Lezhës, Pjerin Ndreu dhe gazetarit Basir Çollaku. Gjatë mbrëmjes së sotme, po diskutohet rreth zhdukjes së tre të rinjve në Malësi të Madhe, Vilson Çutaj, Klement Pepaj dhe Danjel Pepaj.
Teksa Ndreu tha se e gjithë ngjarja ka ndodhur për vjedhjen e 5 kilogramë hashash, Çollaku dha një tjetër fakt. Sipas tij, flitet për 100 kilogramë hashash.
Ai e akuzoi kryebashkiakun e Lezhës se “po fsheh të vërtetën”, ndërsa tha se ka të dhëna që flasin për 100 kilogramë lëndë narkotike.
Debati:
Çollaku: Ju cilës deklaratë i rrini?
Ndreu: Unë te 5, ti kërceve nga 100 në 150
Çollaku: Po lëri këto tani, shkresa që kanë dalë me ujë, kam shkresa
Ndreu: Shkresa të kujt?
Çollaku: Shkresa të qeverisë, që keni bërë ju
Ndreu: Kam të dhëna thash, kështu thonë të dhënat e mia
Çollaku: Janë 100 kilogramë, ju i qëndroni 5 kilogramshit? Po flet si kryebashkiak
Ndreu: Ti do të më intimidosh mua?
Çollaku: Nuk është intimidim, sipas jush sa janë?
Ndreu: Sipas të dhënave të mia, flitet për 5 kilogramë
Çollaku: Po fsheh të vërtetën
Ndreu: Ti nuk ke konceptin e të dhënave, ti e di të gjithë ngjarjen, mos themi fantazi
Çollaku: Pse janë fantazi?
Ndreu: Sepse do ta imponosh se s’bën, po flet gabim
Çollaku: Po pyes, qëndroi deklaratave të tua
Ndreu: Të dhënat e mia flasin për 5
