Është zhdukur pa lënë gjurmë prej më shumë se një muaj, një shqiptar nga Maqedonia, pak pasi ishte liruar nga burgu “Fleury Merogy” i Parisit në Francë.
Familja ka dhënë alarmin ndërsa janë shprehur se kanë humbur kontaktet që ditën kur është liruar nga burgu dhe nuk dinë më asgjë se çfarë ka ndodhur me të.
Ata kanë kërkuar ndihme në lidhje me djalin e humbur të cilët kanë dhënë dhe informacioni përkatës, duke bërë më dijë se Arlindi, i lindur në Shkup me 19 shtator 1989 ka këto tipare: me gjatësi 1.75 cm, flokët ngjyrë të zezë, ngjyra e syve e kafe.
Sipas familjarëve të Arlindit është shumë e çuditshme se si është e mundur që Arlindi të lirohet nga burgu dhe mos të njoftojë të afërmit.
Gjatë qëndrimit të tij në Francë, Arlindi ishte shtruar disa herë në spitalin psikiatrik në qytetin Annecy të Francës.
Të shqetësuar për humbjen e kontakteve me djalin e tyre, familjarët e 29-vjeçarit kanë njoftuar edhe policinë franceze.
