Një biznesmen 53-vjeçar është zhdukur pa lënë shenjë, dhe kjo ngjarje e mistershme pason pas fatit tragjik që pati 20-vjeçarja Caroline Crouch, e cila u vra nga bashkëshorti i saj. Zhdukja e biznesmenit Stavros Dogiakis është raportuar në bashkinë e Glyka Neras, në Greqi.
Mediat lokale raportojnë për zhdukjen e një biznesmeni, i cili ka humbur kontaktet me familjen që prej ditës së djeshme. Ai ishte duke udhëtuar me një makinë tip “Smart” me targa ZXA-8898, dhe nuk është parë më që prej ditës së djeshme.
Familjarët kanë publikuar edhe të dhënat e tij, duke bërë thirrje për çdo informacion që mund të shërbejë në gjetjen e biznesmenit. Burimet nga familjarët e tij thonë se komunikimi i 53-vjeçarit ka qenë me nënën e tij, të cilën e ka pyetur nëse i kishte pirë ilaçet.
