Koreja e Veriut ka kërcënuar indirekt Shtetet e Bashkuara të Amerikës lidhur me afatin e caktuar për përparimin e bisedimeve bërthamore. Me qëllim për ta liruar vendin nga sanksionet e rënda ekonomike. Ndërsa thekson se nuk do ta vazhdojë procesin e denuklearizimit, pa u hequr fillimisht sanksionet.
Sipas tyre, është në dorën e Uashingtonit për të vendosur se çfarë dhurate krishtlindjesh do të marrë nga Pjongjangu në fund të vitit.
Ndërkohë, afati i caktuar nga Koreja e Veriut për bisedime është injoruar nga negociatorët amerikanë.
Zv.ministri i Jashtëm korean, Ri Thae Song akuzoi administratën e presidentit Trump se po mundohet të blejë kohë para zgjedhjeve të vitit 2020.
“Dialogu i proklamuar nga Shtetet e Bashkuara në thelb nuk është asgjë tjetër por një mashtrim budalla për ta mbajtur Korenë Veriore të lidhur për dialogu. Ajo që mbetet për t’u bërë është që Shtetet e Bashkuara ta zgjedhin dhuratën që do të marrin”, thuhet në këtë deklaratë.
