Komisioni i Pavarur i Kualifikimit bëri me dije se ditën e sotme u zhvillua procesi për zgjedhjen e Kryetarit të ri të Komisionit.
Pas votimit të fshehtë që u zhvillua në prani të vëzhguesve ndërkombëtarë të Operacionit Ndërkombëtar të Monitorimit, është zgjedhur në detyrë me 7 vota pro, kandidatja Pamela Qirko.
Nga dita e nesërme Qirko do të fillojë ushtrimin e detyrës së Kryetares së KPK-së.
Qirko do të zëvendësojë në këtë post Genta Tafa Bungon, të cilës i mbaroi mandati.
