Koronavirusi po ecën me ritme të shpejta në Itali, e nga ora në orë shtohet edhe bilanci i të vdekurve. Mediat italiane raportojnë se numri i viktimave ka shkuar në 79, ndërsa numri i të infektuarve ka shkuar në 2502.
Dita e sotme ka shënuar 27 viktima më shumë në krahasim me 24 orë më parë, kur numri i tyre ishte 52.
Me përjashtim të rajonit të Valle d’Aosta, raste pozitive me koronavirus janë regjistruar në 20 rajone italiane, nga 21 që ka e gjithë Italia.
Autoritetet italiane informojnë se “ende nuk është e qartë se koronavirusi është shkaku i vdekjes së viktimave. Ajo që dihet është se ata kanë qenë të infektuar nga koronavirusi, por janë dhe me patologji të tjera”.
