Ministri i jashtëm grek, Nikos Dendias paraqiti në sesionin e sotëm parlamentar projekt-ligjin për zgjerimin e ujërave territoriale në detin Jon, deri në Kepin e Tainaros në Peloponez.
Projektligji, i cili përmban 5 nene do të ndjekë një procedurë të rregullt parlamentare për t’u votuar më 19 janar.
Kryediplomati grek theksoi se Greqia po zbaton të drejtën e saj për tu zgjeruar.
“Qeveria i sugjeron delegacionit kombëtar ushtrimin e së drejtës së patjetërsueshme të vendit tonë për të zgjatur territorin në rajonin e Detit Jon dhe deri në Tainaro, nga 6 në 12 milje detare. Ky zgjerim do të rrisë sipërfaqen e sovranitetit kombëtar me 10,079 kilometra katrorë. Dhe nëse dikush merr parasysh hapësirën e krijuar nga mbyllja ligjore e gjireve sipas ligjit ndërkombëtar, ajo tejkalon 13,000 kilometra katrorë,” tha ministri Dendias.
