E mërkurë, 16 Qershor, 2021
24.5 C
Tirana

25 Prilli/ Përfaqësuesja e SHBA në OSBE- Qeveria përfitoi në zgjedhje nga posti

Zëvendës-Shefja e Misionit në Këshillin e Përhershëm në Vjenë, Elisabeth Rosenstock-Siller, ka theksuar, të enjten e 6 Majit, edhe një herë vëmëndjen ndaj përfundimeve të misionit vëzhgues të OSBE/ODIHR-it për zgjedhjet e 25 Prillit në Shqipëri. “Megjithë aspektet pozitive të zgjedhjeve parlamentare shqiptare, Shtetet e Bashkuara sjellin në vëmendje përfundimin e misionit vëzhgues të OSBE-së, që partia në pushtet ka përfituar ndjeshëm nga posti i saj, përfshirë përmes kontrollit të administratave lokale dhe përdorimit jo të duhur të burimeve administrative. Ne gjithashtu vërejmë zbulimin e tyre se praktikat e përhapura të blerjes së votës mbeten një problem dhe forcojnë shqetësimet në lidhje me rrjedhjen e të dhënave personale të ndjeshme, përfshirë preferencat politike të votuesve”, tha Elisabeth Rosenstock-Siller, duke i bërë thirrje SPAK-ut që të hetojë krimet zgjedhore.

Deklarata mbi zgjedhjet parlamentare shqiptare

Nga Zëvendës Shefja e Misionit Elisabeth Rosenstock-Siller, në Këshillin e Përhershëm, Vjenë

6 maj 2021

Faleminderit Zonja Presidente.

Shtetet e Bashkuara e përgëzojnë popullin shqiptar për angazhimin e tyre aktiv në zgjedhjet parlamentare të 25 Prillit. Ne e përgëzojmë Komisionin Qendror të Zgjedhjeve për mbajtjen e një procesi zgjedhor të mirë-organizuar dhe mjaftueshëm transparent, pavarësisht nga sfidat e paraqitura nga pandemia dhe zbatimi i teknologjive të reja. Vëmë re se këto zgjedhje kanë parë zbatimin e suksesshëm të kodit të ri zgjedhor, rezultat i një kompromisi të lehtësuar nga Prezenca e OSBE-së në Shqipëri dhe Komisioni Qendror i Zgjedhjeve (KQZ). Për më tepër, siç është përmendur në raportin paraprak të ODIHR, shumica e bashkëbiseduesve nga Misioni Ndërkombëtar i Vëzhgimit të Zgjedhjeve (IEOM) vlerësuan sistemin e ri elektronik të identifikimit të votuesve dhe e panë sistemin si një mënyrë për të lehtësuar rrezikun e votimit të dyfishtë, votën familjare dhe imitimin e votuesve. Shtetet e Bashkuara ishin gjithashtu të kënaqur kur panë të gjitha palët e interesuara të marrin pjesë në zgjedhje, hera e parë që nga viti 2017.

Përmirësimet në kodin zgjedhor shqiptar dhe pjesëmarrja e një numri partish në zgjedhje është demokracia në veprim dhe tregon angazhimin e Shqipërisë për zhvillimin e saj demokratik.

Megjithëse ka pasur shumë aspekte pozitive të zgjedhjeve parlamentare shqiptare, Shtetet e Bashkuara evidentojnë në përfundimin e misionit vëzhgues të OSBE-së që partia në pushtet ka përfituar ndjeshëm nga posti i saj, përfshirë përmes kontrollit të administratave lokale dhe përdorimit jo të duhur të burimeve administrative. Ne gjithashtu vërejmë zbulimin e tyre se praktikat e përhapura të blerjes së votës mbeten një problem dhe forcojnë shqetësimet në lidhje me rrjedhjen e të dhënave personale të ndjeshme, përfshirë preferencat politike të votuesve. Shtetet e Bashkuara përsërisin se zbatimi i ligjit dhe gjyqësori duhet të mbajnë përgjegjësi çdo individ që ka shkelur ligjin dhe penguar të drejtën e popullit shqiptar për të votuar në zgjedhje të lira dhe të ndershme. Ne e mirëpresim njoftimin nga Tribunali Special Antikorrupsion (SPAK) për një hetim mbi krimet elektorale.

Shtetet e Bashkuara shpresojnë në raportin përfundimtar të ODIHR-it dhe inkurajojnë Shqipërinë të përdorë këtë raport për të përmirësuar më tej proceset zgjedhore shqiptare. Shtetet e Bashkuara do të vazhdojnë të punojnë me qeverinë shqiptare dhe popullin shqiptar për të forcuar më tej bashkëpunimin tonë në demokraci, mbrojtje dhe tregti.

Faleminderit Zonja Presidente.

- Reklama -

Më shumë nga kategoria




Të fundit

Dritë jeshile për shqiptarët/ BE heq kufizimet, çfarë duhet të dini

Rënia e shifrave të infektimit si rezultat i vaksinimit, i ka dhënë dritën jeshile shqiptarëve që të udhëtojnë në vendet e BE-së. Vendimi është...

Euro 2020/ Turqi-Uells 18:00, Turqia pret reagim, ndeshja e fundit mes tyre 6-4

18:00: Turqi - Uells (Grupi A, Baku) Turqia u shkërmoq nga Italia në Romë të premten, për një pjesë të madhe të ndeshjes e mbyllur...

Ishte krahu i djathtë i Arta Markut/KPK shkarkon prokuroren e njohur të Tiranës

Komisioni i Pavarur i Kualifikimit, KPK shpalli të mërkurën vendimin e shkarkimit nga detyra për prokuroren e Tiranës, Alketa Zifla. Gjatë seancës dëgjimore të zhvilluar...

‘Basha vodhi zgjedhjet’, grupimi ‘Për PD’-në zbardh shkeljet

Grupimi 'Për PD-në' ka dalë në një konferencë për media, ku kanë listuar arsyet pse Basha fitoi një mandat të tretë në krye të...

Euro 2020/ Dita hapet me Finlandë-Rusi, për rusët detyrim fitorja ndaj fqinjëve

Faza e grupeve të UEFA EURO 2020 hyn sot në xhiron e ndeshjeve të dyta. Finlanda përballet me Rusinë, Turqia përballet me Uellsin dhe...