Analisti i njohur Fatos Lubonja, e cilësoi si të nxituar, vendimin për të mbajtur në 13 qershor zgjedhjet për kryetarin e ri të Partisë Demokratike. Sipas tij, kjo nuk është koha e përshtatshme për zgjedhje brenda selisë blu. Deklarata e Lubonjës, u bë ditën e sotme në rubrikën ”Opinion” në News24.
Ai theksoi faktin se Partia Demorkatike, ka nevojë për një bashkim, që do të zgjidhte gjithçka në lidhje me ato që ndodhën në zgjedhjet parlamentare të 25 prillit.
Fatos Lubonja: Opozita ndodhet në bordin e kësaj anije dhe në vend që të ketë aftësinë, bashkë me mazhorancën, luajnë në bord luftën me pushtet brenda PD, me opozitat e ndryshme dhe nuk ndihen shqetësimin e madh, atë të përdhunimit që ka pësuar ky vend me këto zgjedhje. Të dy palët merren pak me çështjen e këtij përdhunimi të madh. Një pjesë janë të dëshpëruar, dikush ia hedh fajin tjetrit. Ekzistonte 97 pas 96, por duhet të bashkohen bashkë për këtë rrezik të madh që është anija, por jo të merremi me kush do të fitojë brenda PD, për të marrë timonin e bordit.
Ai që punon çdo ditë brenda këtij regjimi, mund ti fitojë zgjedhjet pas 4 vitesh. Edhe kur shikoj Bashën që flet sikur është në fushatë. PD nuk i duhet gara se kush do e marri PD, i duhet një bashkim për të zgjidhur gjithçka çfarë ka ndodhur në këto zgjedhje. Manipulimet me paratë që janë hedhur në FB e qytetarëve, ishin problemet që duhej të merrej kjo opozitë.”
