Kryesia e Partisë Demokratike do të mblidhet ditën e nesërme në orën 18:00. Njoftimi është bërë i ditur nga Sekretari i Përgjithshëm i kësaj force politike, Gazment Bardhi, i cili fton anëatrët e Kryesisë të jenë të pranishëm në mbledhje.
Në rendin e ditës, përfshihet miratimi i kandidaturave për kryetar partie dhe rregullat e propozuara nga Komisioni Zgjedhor për zgjedhjet e 13 qershorit.
Njoftimi i PD:
Të nderuar anëtarë të Kryesisë,
Mbledhja e Kryesisë të dielën, më date 23 Maj, do të zhvillohet në orën 18:00.
Rendi i ditës:
Miratimi i kandidaturave për Kryetar.
Miratimi i rregullave të propozuara nga Komisioni Zgjedhor për procesin zgjedhor.
Lutem të sigurohet pjesëmarrja në mbledhje!
Me respekt,
Sekretari i Përgjithshëm
Përballë kryetarit aktual Lulzim Basha pritet të garojnë Agron Shehaj, Fatbardh Kadilli, Edith Harxhi dhe Ibsen Elezi.
