Partia Demokratike do të mbledhë Kryesinë dhe Këshillin Kombëtar të dielën e 16 majit. Lajmin e ka bërë të ditur Sekretari i Përgjithshëm, Gazmend Bardhi, i cili tha se mbledhja e Kryesisë së Partisë ka si rend dite diskutime lidhur me situatën e krijuar pas zgjedhjeve parlamentare të 25 prillit.
Njoftimi i plotë:
Të nderuar anëtarë të Kryesisë!
Ditën e dielë, datë 16 Maj 2021, ora 17:00, do të zhvillohet mbledhje e Kryesisë së Partisë, me rend ditë: “Diskutime dhe vendimmarrje sipas Statutit për proceset politike pas situatës së krijuar me masakrën elektorale të zgjedhjeve të 25 Prillit”.
Më pas, në orën 19:00, me të njëjtin rend dite, do të zhvillohet mbledhja e Këshillit Kombëtar.
Mbledhjet do të zhvillohet në selinë e Partisë, në sallën e Grupit Parlamentar, Kati i II.
Ju lutem merrni masat për pjesëmarrjen tuaj!
Me respekt,
Sektetari i Përgjithshëm
Gazment Bardhi
Partia Demokratike mori 59 mandate në zgjedhjet parlamnetare të 25 prillit, por nuk e ka pranuar rezultatin, pasi e konsideron procesin e manipuluar.
