Rektori i Universitetit të Tiranës Mynyr Koni ka vendosur ta zhvendosë në gjykatë debatin për procesin zgjedhor në universitete.
Raportohet se ai ka kallëzuar në Prokurorinë e Tiranës 6 persona, që, sipas tij, pretendojnë të jenë anëtarë të Komisionit Institucional Zgjedhor.
Majlinda Keta, Bernard Dosti, Oriona Muçollari, Ardian Doka dhe Skerdi Dafa, administrator i UT janë kallëzuar nga rektori Koni për “shpërdorim të detyrës” dhe “kryerje funksioni pas dhënies fund të tij”.
Sipas rektorit Koni, të kallëzuarit, janë mbledhur dhe kanë filluar veprimet për procesin zgjedhor nën tagrin e anëtarëve të Komisionit Institucional Zgjedhor. Por ai pretendon se këto veprime bien ndesh me urdhëresat dhe aktet ligjore në fuqi gjatë pandemisë, si dhe në kundërshtim me urdhrat dhe porositë e rektorit.
Për këtë shkak, UT ka zgjidhur kontratat e punës me ta.
Ndërkohë, sipas kallëzimit, edhe pas zgjidhjes së kontratës së punës, kanë vijuar veprimtarinë e tyre në mënyrë ta paligjshme dhe kanë nxjerrë akte dhe vendime në kundërshtim me ligjin, shkruan “opinion”.
