Ministri i Jashtëm serb, Ivica Daçiç, ka deklaruar se Serbia nuk kanë ndërhyrë në çështjet e brendshme të Malit të Zi.
Daçiç e tha këtë si përgjigje ndaj deklaratës së presidentit malazez, Milo Gjukanoviç, sipas të cilit Vuçiç dhe politika e tanishme e Beogradit “treguan qëllime shumë problematike” ndaj Podgoricës.
Kryediplomati serb sqaron se nuk ishte Vuçiç ai që i nxiti malazezët për kë të votonin, por kryeministri shqiptar, Edi Rama.
“Nuk ishte Vuçiç ai që nxiti qytetarët e Malit të Zi se për kë të votonin, por Rama dhe të tjerët, i cili, sipas Milo Gjukanoviç nuk po ndërhyn në punët e brendshme”, tha ai në një deklaratë.
Sipas Daçiç, Serbia nuk është e interesuar për pushtetin në Malin e Zi, por vetëm për të drejtat dhe liritë e pakicës serbe, si edhe për pozicionin e Kishës Ortdokse serbe pronat e së cilës, sipas tij, u shënjestruan nga autoritetet malazeze.
