Një ditë pasi qytetarët italian votuan për legjislaturën e re dhe formimin e parlamentit të ri, janë bërë publike dhe rezultatet e para, ku deri më tani është si forcë e parë është konfirmuar “Lëvizja 5 Yje”. Partia Demokratik italiane ka pësuar një humbje të thellë.
Por, deri më tani rezultatet thonë se asnjë forcë politike nuk mund ta krijojë qeverinë e re sepse asnjëra prej tyre nuk ka mundur ta marrë numrin e mjaftueshëm të votave për të krijuar qeverinë e re.
72.93 % e italianëve kanë votuar për Dhomën e deputetëve, ndërsa për Dhomën e Senatit kanë votuar 73.05 % e tyre, këto ishin të dhënat e publikuara nga Ministria e Brendshme Italiane për pjesëmarrjen në procesin e votimit.
Gjithashtu bëhet e ditur se, deri tani janë numëruar mbi 60 % e kutive të votimit dhe rezultatet e deritanishme flasin për triumfimin e “Lëvizjes 5 Yje”, e cila konfirmohet si forcë e parë politike në vend me kuotën 31.09 % të votave për Dhomën e Deputetëve dhe 31.04 % të votave për Dhomën e Senatit.
Partia e Silvio Berlusconit “Forca Italia”, ka marrë më pak vota sesa ishte parashikuar nga sondazhet dhe është renditur si forcë e dytë politike brenda koalicionit të djathtë, ku ka mundur të marrë vetëm 14.25 % ta votave për Dhomën e Senatit dhe 13.85 % për Dhomën e Deputetëve.
Sipas ligjit të ri elektoral, forca politike përcaktohet si fituese në zgjedhje me të paktën 40% të votave. Tirana Today
