Është një fakt i njohur që deputeti i PS, Erjon Braçe dashuron futbollin pasi shumë shpesh e shohim në stadiumet shqiptare. Ai është përfshirë edhe në zgjedhjet e FSHF-së, që pas pak ditës do të ndajnë se kush do ta drejtojë për 4 vitet e ardhshme Bashkim Fino, Armand Duka apo Shpëtim Hala.
Braçe ka shpërthyer ndaj kreut aktual të FSHF-së me anë të një statusi në Facebook, ku shkruan se sistemi që ka ngritur Duka është kriminal dhe po vret sportin. “Bashkim a e kupton se ç’është Sistemi “Duka”?! Ja bën muuuuu! Në katër ndeshje sot, tre i vendosën arbitrat e Sistemit Duka”, shkruan Braçe në Facebook.
Deputeti socialist numëron ndeshjet të cilat sipas tij janë manipuluar nga arbitrat, pasi ekipet e dëmtuara do të votojnë kundër Dukës në granë për Presidentin e FSHF.
Braçe i drejtohet Bashkim Finos, ku i thotë “Boll me delegatet e Asamblesë, e dimë çfarë ka bërë, 1/5 e delegatëve rezultojnë të jenë nga Shijaku, madje edhe në malësinë veriore, edhe në malësinë lindore, do votojnë delegate nga Shijaku! E dimë që ai po e manipulon garën! Dhe po ta them sot, do ketë sukses me manipulimet e tij nëse ti dhe të gjithë nuk godisni Sistemin “Duka”!”.
Statusi i Erjon Braçes
Bashkim a e kupton se ç’është Sistemi “Duka”?!
Ja ben muuuuu!
Ne kater ndeshje sot, tre i vendosen arbitrat e Sistemit “Duka”.
Ne Lac u masakrua nga arbitri Luftetari-klubi qe Sistemi “Duka” e ka llogaritur vote kunder tij!;
Ne Tirane arbitri e la Tiranen per 75 minuta me 10 lojtare, duke i thene stop gjithe sakrifices financiare te klubit qe synonte te arrinte evropen, thjesht se e ka llogaritur vote kunder tij!;
Ne Vlore ka dy ndeshje qe lepin me gjuhe Falurtarin dhe masakron Partizanin, ndeshjen e pare me nje penallti te paqene ne minuten e 94-t, ndeshjen e dyte me nje gol te rregullt te anulluar qe ne minuten e 4-t per Partizanin, thjesht sepse mendon qe Flamurtari do shitet sic ka bere ne fushe ne dy kampionatet e fundit me ekipin e tij, tani edhe per “garen” e tij.
Domethene e ka ndare, duhet te kaloj ne gjysemfinale Laci, Kuksi dhe Flamurtari!
E ka ndare si gjithmone, per cdo “gare” qe ky organizon, vendos ky vete, fare merita sportive!
Ky eshte Sistemi!
Nuk ka rendesi hic te fitosh ti nese nuk shperbehet ky Sistem kriminal qe po vret garen, po vret futbollin.
Keshtu Sistemi ka zhdukur Dinamon, pastaj Elbasanin, pastaj dergoi tek inferioret Tiranen.
Gati eshte ta bej edhe me Partizanin!
Per ti dhene mesim-sipas mendjes se tij.
Fol per kete Bashkim, fol!
Boll me delegatet e Asamblese, e dime cfare ka bere, 1/5 e delegateve rezultojne te jene nga Shijaku, madje edhe ne malesine veriore, edhe ne malesine lindore, do votojne delegate nga Shijaku!
E dime qe ai po e manipulon garen!
Dhe po ta them sot, do kete sukses me manipulimet e tij nese ti dhe te gjithe nuk godisni Sistemin “Duka”!
