E diel, 20 Qershor, 2021
23.5 C
Tirana

Zgjedhjet më të manipuluara: 234 mijë vota nga 15 mijë zgjedhës të regjistruar

Për shumë nga ne që kanë fatin të jetojnë nën një demokraci, procesi i votimit është bërë pjesë e një cikli që përsëritet njëherë në disa vjet. Procesi demokratik është përsosur gjatë gjithë historisë, për të dhënë atë që shumë do ta klasifikonin si vendimin më të drejtë që mund të arrijë popullata e një vendi përmes votës së çdo njeriu.

Si gjithnjë asgjë nuk është e përsosur, dhe manipulimi i zgjedhjeve mund të vihet re edhe në vendet ku demokracia është pak më shumë sesa një fasadë për të fituar legjitimitetin e qeverisë në sytë e popullit.

Por kur kjo ndodh,bëhet me delikatesë për të mos ngritur shumë dyshime. Por nganjëherë manipulimi ndodh në një shkallë të tillë, që edhe ata që mund të jenë magjepsur nga prestigji i vendit të tyre, mund të nisin të bëjnë disa pyetje. E tillë ishte situata në vitin 1927 në Liberi në Afrikë.

Liberia filloi të ekzistojë si një koloni amerikane, e menaxhuar nga Shoqata Amerikane e Kolonizimit (ACS) më 7 Janar 1822. Vendbanimi u krijua fillimisht për skllevërit e liruar amerikanë, pasi mendohej se ata kishin një shans më të mirë të mbeteshin të lirë në Afrikë sesa në Amerikë.

Kjo koloni e shpalli pavarësinë e saj në 1847, edhe pse nuk u njoh zyrtarisht si e pavarur nga Shtetet e Bashkuara. Kjo deri kur Konfederata u nda nga SHBA-ja. Pas Luftës Civile Amerikane, Liberia do të vazhdonte të mbante lidhje të ngushta me SHBA-në.

Kjo u pa në Luftën e Parë Botërore, ku i shpalli luftë Gjermanisë vetëm 5 muaj pasi këtë e bëri SHBA-ja. Gjithashtu, ky vend do të vazhdonte të ishte një nga anëtarët themelues të Lidhjes së Kombeve, paraardhësja e Kombeve të Bashkuara,e krijuar pas Luftës së Parë Botërore me synim parandalimin e një luftë tjetër të ngjashme në Evropë.

Nëntë vjet pas Luftës së Madhe, Liberia do të mbante zgjedhje. Partia aktuale në pushtet, Konservatorët e Vërtetë, u përfaqësuan nga Çarls King, që kishte shërbyer tashmë dy mandate si kryeministër deri në vitin 1927. King garonte në ato zgjedhje kundër Tomas Folkner, që përfaqësonte Partinë Popullore.

Në vitin 1927, në Liberi kishte vetëm 15.000 votues të regjistruar në lista, duke bërë që secila votë të llogaritej për shumë më tepër. King e kuptoi se i mungonte mbështetja për të fituar zgjedhjet në mënyrë të ndershme. Dhe kjo frikë e tij ishte e justifikuar, duke parë se në fund 9.000 njerëz votuan për kundërshtarin e ri Folkner.

Ishte e pamundur që ato 9.000 vota të ishin falsifikuar, kjo për shkak të fitores së madhe që King prodhoi për veten e tij. Ai nuk kishte asnjë nevojë reale për t’u“përzier” me kundërshtarin. Pas numërimit, King dhe partia e tij morën 243.000 vota, ose 15 herë më shumë se sa numri i votuesve të regjistruar në të gjithë Liberinë.

Për shkak të madhësisë së manipulimeve në këto zgjedhje, ato zgjedhje hynë në Librine Rekordeve Botërore Gines, si procesi më i manipuluar i raportuar ndonjëherë në histori. Ngjarje të tilla si këto “zgjedhje”, na tregojnë se njerëzit do të bëjnë gjithçka për të mbajtur  pushtetin që kanë, pavarësisht se sa idiote mund të duket kjo ide.

Ne jetojmë ende në një botë, ku zgjedhjet ndikohen nga mënyra të cilat shumë njerëz mund t’i cilësojnë si jodemokratike. I takon votuesit që të rregullojë të metat e demokracisë, pasi në fund të fundit ai ka të gjithë pushtetin në një sistem të tillë.

Ndryshe nga paraardhësit tanë që jetuan nën një sistem feudal, ne kemi aftësinë të ndikojmë në mënyrën se si drejtohet vendi ynë. Pjesëmarrja në procesin demokratik, duhet të shihet më shumësi një privilegj dhe një detyrë për qytetarët e secilit vend, sesa një barrë. Veprimi i një personi, në një ditë, në çdo 4-5 apo 6 vjet mund të ndryshojë rrjedhën e historisë.

Burimi i lajmit: https://medium.com/history-of-yesterday/the-most-rigged-election-in-history-5cb3ae79bf54

Pështatur nga TIRANA TODAY

- Reklama -

Më shumë nga kategoria




Të fundit

Mali i Zi: Përshkallëzohet kriza qeveritare për shkak të Srebrenicës

Parlamenti i Malit të Zi miratoi një rezolutë me të cilën dënohet gjenocidi në Srebrenicë dhe shkarkoi ministrin e Drejtësisë, Vladimir Leposaviç, për shkak...

OBSH e shpall të përfunduar shpërthimin e Ebolës në Afrikën Perëndimore

Organizata Botërore e Shëndetësisë (OBSH) tha se shpërthimi i virusit të Ebolës, që nisi në shkurt në Guinea, ka përfunduar. Ky virus vdekjeprurës, që përcillet...

Levandovski mban gjallë shpresat e Polonisë, Spanja komplikon kualifikimin

Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në...

Gjermani, gjenden dy piktura të shekullit XVII në një kosh plehrash

Policia gjermane po kërkon për informacion për dy piktura origjinale nga artistë evropianë të shekullit të 17, të cilat përfunduan në një kosh plehrash...

Kapacitetet e Kosovës për vaksinim në masë të popullsisë kundër COVID-19

Në Kosovë gjatë kësaj jave filloj vaksinimi në masë i qytetarëve kundër COVID-19, me synimin që të vaksinohen deri 320 qytetarë në muaj. Zyrtarë...