Komisioni Qendror i Zgjedhjeve është mbledhur sot në orën 12:00 për të diskutuar lidhur me miratimin ose jo të listës së kandidatëve të Partisë Demokratike në zgjedhjet e 25 qershorit.
Pavarësisht debateve të zhvilluara në mbledhje, KQZ ka miratuar listën e kandidatëve të Partisë Demokratike për zgjedhje.
Gjithashtu, është miratuar kandidati i Partisë Socialiste për zgjedhjet e Kavajës, të cilat do të mbahen gjithashtu më 25 qershor.
Dorian Murati u votua unanimisht me 7 vota. Gjithashtu, pritet miratimi i spoteve publicitare të fushatës zgjedhore.
