Pas refuzimit të Komisionit për Ankimim dhe Sanksione pranë KQZ-së (KAS) për të siguruar prova nga institucionet shtetërore, Partia Demokratike iu ka kërkuar informacion 100 institucioneve shtetërore lidhur me zgjedhjet e 25 prillit. Demokratët kërkojnë nga 100 institucione se cili ka qenë aktiviteti i tyre katër mua para zgjedhjeve. Sipas përfaqësuesve të PD në KQZ, kjo kërkesë për informacion ka si qëllim të sigirojë prova për përdorimin e institucioneve publike në favor të Partisë Socialiste në zgjedhjet parlamentare të 25 prillit. Mësohet se ndër institucionet që PD u ka kërkuar informacione janë bashkitë, ministritë, institucionet e varura nga ministritë, Agjencitë Shtetërore, Postës Shqiptare, Shërbimit Informativ Shtetëror, Policisë së Shtetit, Prokurorisë, etj.
Kërkesa e PD-së duket si një vazhdim i raportit paraprak të OSBE/ODIHR-it, që theksonte se një nga problematikat më të mëdha, të konstatuara në zgjedhjet e 25 Prillit, ishte njehësimi i institucioneve shtetërrore me partinë në pushtet. Madje, ky raport e konsideronte këtë fenomen më të rëndë se sa shitblerja e votës.
