Ish-deputeti i PD-së, Oerd Bylykbashi dhe përfaqësuesi i kësaj partie në Komisionin për Reformën Zgjedhore gjatë një interviste televizive, theksoi se qeveria duhet të rrijë jashtë një procesi zgjedhor.
Bylykbashi propozoi vendosjen e kamerave për të monitoruar komisionerët me qëllim evitimin e presionit ndaj zgjedhësve.
“Sa herë ka zgjedhje parlamentare ne kemi qeveri që nuk i ka kryer të gjitha detyrat.
Qeveria tranzitore do garantonte neutralitetin në zgjedhje në mënyrë që qeveria të mos fusë duart tek votat. Ne kemi parë që duke bërë ndryshime në Kodin Penal në vitin 2017.
Nëse Rama është në gjendje të bëj presion. Presioni i qeverisë është shumë i fortë, një rol kompresor që shpartallon çdo lloj barriere ligjore. Ajo që ne themi është që qeveria rri jashtë procesit zgjedhor. Përpiqemi që numërimi i votave të jetë i pastër dhe i thjeshtë. Ka një rekomandim nga OHDIR për depolitizimin e administratës publike.
Nuk do ta thoshte nëse nuk do ta dinte që administrata është e politizuar. Në mënyrë definitive në shitblerjen e votave do ta çojmë edhe në SPAK. Doja të fokusohesha tek bazat e procesit të votimit. Ne na cënohet liria dhe sekreti i votës.
Votuesit futen me frikë në zgjedhje. Ajo që po kërkojmë të vemë janë instrumenta të qartë që të garantojë këtë pjesë. Ne kërkojmë që në qendrën e votimit të vendoset një kamera e cila nuk filmon zgjedhësit.
Kamera filmon komisionerët në mënyrë që ata të mos t’i bëjnë presion zgjedhësve dhe mos t’i shkojnë tek dhoma e votimit për të parë se si votojnë. Ne kemi parë në 2019 se si komisionerët shoqërojnë zgjedhës të panumërt për t’i bërë presion. Nëse zgjedhësi do të ketë garancinë e sekretit të votës, do ta prishi votën nëse është votues i majtë.
Identifikimi biometrik është një tjetër, që kutitë të mos mbushen. Mos të ketë votim familjar apo votim në emër të të tretëve që shumica janë emigrantë dhe nuk kanë ardhur në Shqipëri ditën e zgjedhjes.
Nuk do ketë mbushje të kutisë nga komisionerë të korruptuar në përfundim. Realizohet që zgjedhësi vjen me kartën e identitetit me emrin e tij. Në momentin që atij i dalin të dhënat personale, ai vë gjurmën e gishtit dhe jo firmën e tij.
Ajo gjurmë mbetet aty. Nëse dikush do të shkojë e ta bëjë falso këtë proces, ai do të ndiqet penalisht. Nëse do ta tentojë dy herë, gjurma do të mbetet aty do të verifikohet në mënyrë të detyrueshme nga KQZ e do shkojë penalisht përpara Prokurorisë.
Deri në zgjedhjet e ardhshme është e realizueshme. Identifikimi biometrik është një teknologji që mund të bëhet”, tha ai.
