Kryetari i Grupit Parlamentar të PD-së, Enkelejd Alibeaj, konfirmoi dje se nuk do të marrë pjesë në seancën e sotme të orës 18:00, ku pritet që mazhoranca të zgjedhë Presidentin e ri të Shqipërisë. PD zyrtare e konsideron pjesëmarrjen në seancën e sotme parlamentare, si legjitimim i rendit demokratik të regjimit të vendosur nga kryeministri Edi Rama. Deputetët demokratë pro-Alibeaj, besojnë se Rama nëpërmjet zgjedhjes së pasuesit të Ilir Metës, po planifikon asgjësimin e pushtetit të Presidentit.
Enkelejd Alibeaj e konsideroi të pakuptimtë pjesëmarrjen në këtë seancë për votimin e Presidentit të ri, pasi në këtë mënyrë PD-ja do të legjitimonte kapjen e institucionit të Presidencës nga kryeministri Edi Rama.
Ai mbrojti qëndrimin e partisë së tij gjatë negociatave për zgjedhjen e Presidentit konsensual, dhe ia faturoi Ramës dështimin e negociatave pozitë-opozitë. Bajram Begaj u propozua nga Partia Socialiste për postin e Kreut të Shtetit, ndërkohë nga grupi i PD-së e cilëson kandidatin e socialistëve, si zgjedhje që vjen nga mafia shtetërore.
