Zv.ministrja e Brendshme, Rovena Voda bën me dije se do të ketë një zgjatje të orarit për tërheqjen e dokumenteve biometrike.
Mësohet se fasha orare do të zgjatet me dy orë: nga 08:00-14:00 që ishte, tani bëhet nga 08:00-16:00.
Ministrja sqaroi se qytetarët duhet të paraqiten pasi të njoftohen me SMS dhe të respektojnë masat. Ndërsa sa i përket rinisjes së aplikimeve duhet të pritet një fazë e dytë.
“Prej dy javësh ka filluar shpërndarja e dokumenteve biometrike në të gjitha zyrat. Deri tani shpërndarja ka vijuar normalisht, qytetarët lajmërohen me një SMS për orarin që duhet të paraqiten për të marrë pasaportat dhe kartat e ID-ve.
Por duhet të respektoni masat, maska, doreza dhe të ruajnë distancën në zyrat ku paraqiten. Gjatë dy javëve fasha e orarit ka qenë 08:00-14:00, ndërsa duke filluar nga sot fasha orare për tërheqjen e dokumenteve biometrike zgjatet, bëhet 08:00-16:00.
Paraqituni në orar në zyrat e tërheqjes së kartave ID dhe pasaportave, pas njoftimit me sms dhe respektoni masat mbrojtëse COVID19. Duke menaxhuar këtë fazë me kujdes, kalojmë te faza tjetër për aplikim e ri-aplikime për dokumente biometrike, pra rinisjes së aplikimeve, tha ajo.
