Në një kohë kur ambasadori i SHBA-ve në Tiranë, Donald Lu është në prag largimi nga Shqipëria, të gjithë shqiptarët janë të ndërgjegjshëm se asnjë “peshk i madh” nuk është në rrjetën e drejtësisë si ai ka kërkuar. Ndërkohë po të pyesësh drejtuesit e qeverisë thuajse të gjithë thonë ato çfarë thotë dhe kryeministri Edi Rama.
“Është për tu vlerësuar puna e bërë në luftën kundër korrupsionit dhe krimit të organizuar, por shton se ka ende punë për të bërë,” deklaroi zëvendëskryeministrja Senida Mesi.
Në emisionin “Studio e Hapur” me Eni Vasilin në “Neës24”, e pyetur për të ashtuquajturit “peshqit e mëdhenj”, Mesi ka theksuar se deri më tani ka patur përparim.
Por pas insistimit të gazetares Eni Vasili, “nëse janë kapur apo jo”, Zëvendëskryeministrja është përgjigjur se ende nuk janë kapur “peshqit e mëdhenj”.
Ambasadori Lu ka deklaruar se disa peshq janë kapur…
A janë kapur “peshqit e mëdhenj”?
Nuk janë kapur akoma
A duhej që vettingu të fillonte nga politikanët dhe jo nga reforma në drejtësi, pasi kryesisht politikanët quhen si peshqit e mëdhenj?
Çdo politikan, anëtar i Kuvendit ka deklaruar legjitimitetin e aseteve. Gjithsecili nga anëtarët e Kuvendit ose dhe Këshilli i Ministrave. Unë jam e hapur para çdo kontrolli dhe verifikimi.
