Lidhur me zgjidhjen e papritur dhe të shpejtë të situatës në Maqedoni dhe Shqipëri, zëdhënësja e Bashkimit Evropian, Maja Kocijančiç nuk ka dashur të deklarojë nëse presioni i fundit i cili rezultoi efektiv në të dy vendet është bërë nga BE ose SHBA.
“Unë nuk besoj se është rasti i një mrekullie, por një rezultat i një pune të vështirë dhe vullnetit politik. Kur flasim për Ballkanin Perëndimor, siç e dini, është një rajon që ka një perspektivë drejt BE-së, ku BE është edhe angazhuar. Kjo i referohet Ish-Republikës Jugosllave të Maqedonisë. Siç keni parë më parë, ne kemi reaguar ndaj këtij zhvillimi të situatës dhe do të vazhdojmë të japim mbështetje për të dy vendet, duke përfshirë tërë rajonin. Ju e dini që Përfaqësuesi i Lartë i Bashkimit Evropian për Punë të Jashtme dhe Siguri ka ftuar gjashtë kryeministrat nga vendet e Ballkanit Perëndimor në një darkë informative javën e ardhshme, më 24 maj në Bruksel, gjatë së cilës do të mbahen bisedime rreth të gjitha ngjarjeve aktuale në Ballkanin Perëndimor dhe si të vazhdojmë më tutje”, tha Kocijancic.
E pyetur se kush do të jetë në takim dhe nëse Zaev do të marrë një ftesë të veçantë në rast se nuk është në gjendje që zyrtarisht të formojë qeverinë deri atëherë, Kocijančiç tha se për momentin ftesat janë dërguar tek kryeministrat dhe emrat e pjesëmarrësve do të konfirmohen pak para vizitës, raporton Meta.mk.
“Do t’ju kërkoja durim, por deri më 24 maj do të dini se kush do të vijë”, tha Kocijančič.
