Zëdhënësja e Partisë Demokratike, Ina Zhupa, hedh akuza të forta drejt kryeministrin e Shqipërisë, Edi Rama, pasi sipas saj edhe sporti i kishte ngelur pa kapur, e po e bën tani.
Ajo e lidh me faktin që deputeti Bashkim Fino ka dalë si kandidat për të marrë postin e Presidentit të FSHF-së. Deri tani dy janë kandidatët që do garojnë në këto zgjedhje, por shumë skandale janë duke dalë në lidhje me ndershmërinë e këtyre zgjedhjeve, ku FSHF është e akuzuara se ka krijuar disa shoqata fantazmë që votojnë në hesap Armand Dukës. Për këtë çështje ka pasur edhe një reagim në ditën e sotme nga Bashkim Fino, i cili u shpreh se “shoqatat fantazmë’ janë falsifikim dhe abuzim, por të gjithë përgjegjësit do të përballen me ligjin. Nga ana tjetër Duka është shprehur se Fino duhet të dalë si kandidat nga zyra e partisë, pasi do të ketë mbështetjen e saj.
Zhupa e ftuar tek “Ora News” në emisionin “Intervistë”, duke folur për protestën kundër qeverisë është shprehur se Edi Ramës i ka ngelur pa kapur edhe sporti për ta përdorur në funksion të tij. “Edi Rama është duke kapur çdo institucion në Shqipëri për ta përdorur në fitimin e zgjedhjeve të ardhshme. Ai së fundmi po kap edhe sportin që ta përdorë në funksion të tij”, u shpreh Zhupa.
