Zëdhënësi i Presidentit Ilir Meta, Tedi Blushi ka sulmuar gazetarin kosovar Baton Haxhiun.
Teksa e quan me nofkën ”Batonoviç’’, Blushi akuzon këtë të fundit se është i gatshëm të shesë gjysmën e Kosovës për një vilë në bregdetin e Palasës.
Sipas tij, Haxhiu ka kohë që lobon për tunelin e Llogarasë, që të mos kalohë nga rruga që ndërtoi Meta kur ishte kryeministër.
Duke iu referuar të dhënave zyrtare të “European Asylym Support Office”, mbi shpopullimin e Shqipërisë, Blushi shprehet se kjo situatë është shkaktuar nga kryeministri Rama, i cili sipas zëdhënësit, është sivëllai i Vuçiç.
Postimi i Blushit në Facebook
Batonoviç, ti për një vilë në Palasë je gati jo vetëm të shesësh gjysmën e Kosovës, por mezi pret t’ja dhurosh Serbisë, edhe Tiranën e Sheshin e Flamurit në Vlorë.
Madje për të shkuar sa më shpejt tek vila në Palasë, ke kohë që lobon për tunelin e Llogarasë, që të mos kalosh nga rruga që ndërtoi Kryeministri Meta.
Hapi sytë katër Batonoviç dhe lexo të dhënat zyrtare e “European Asylym Support Office” për shpopullimin dramatik të Shqipërisë, që ka shkaktuar me keqqeverisjen e tij, sivëllai i padronit tënd në Beograd:
Një krahasim për intensitetin e azilkërkuesve për 1000 banorë të vendit tonë me vendet e rajonit.
Shqipëria ka një numër azil kërkuesish për periudhën 2-vjeçare, korrik 2018 – korrik 2020, rreth:
18.4 herë më të lartë se Bosnja
17.4 herë më të lartë se Mali i Zi
12 herë më të lartë se Serbia
5.1 herë më të lartë se Maqedonia e Veriut,
3.9 herë më të lartë se Kosova
Nëqoftëse në 1000 banorë sot emigrojnë në Bashkimin Europian,
Nga Shqipëria emigrojnë 12 PERSONA
Nga Kosova 3.3 persona
Nga Maqedonia e Veriut 2.3 persona
Nga Serbia 1 person
Nga Mali i Zi 0.7 persona
Nga Bosnja Hercogovina 0.6 persona
Pjesa më e madhe e atyre që po ikin janë TË RINJ.
Hapi sytë katër Batonoviç!
Kjo është FATKEQËSI KOMBËTARE!
Shqipëria dhe Kosova kanë pasur burra që i kanë mbrojtur dhe do t’i mbrojnë në çdo kohë interesat kombëtare.
Për këtë të jesh i sigurtë ti, padroni, punëdhënesi dhe pagatorët e ty shqipfolës!
https://www.facebook.com/blushited/posts/10158704039127760
