Dy nga gazetarët pionierë që raportuan koronavirusin në Wuhan janë zhdukur. Nga mediat e huaja raportohet se ata janë zhdukur pikërisht në epiqendrën e virusit në Wuhan. Që prej shpërthimit të epidemisë ata ndodheshin në terren duke raportuar mbi situatën reale që po përjetonin banorët në karantinë.
Fang Bin dhe Chen Qiushi gjatë ditëve të fundit postuan video në internet, shkëmbyen fotografi dhe histori dramatike nga brenda qytetit në karantinë, të cilat u kthyen virale nëpër rrjetet sociale.
Por që prej datës 25 janar asnjë nuk ka më lajm për fatin e tyre. Në asnjërin prej kanaleve të tyre nuk është postuar asgjë. Shqetësimi është ngritur nga kolegët e tyre, të cilët prej ditësh kanë humbur kontaktin me ta.
Dyshimet kryesore janë që ata mund të jenë arrestuar nga policia për shkak të detyrës. Nga ana tjetër, deri tani autoritetet kineze nuk kanë dhënë asnjë informacion. Një pistë tjetër që dyshohet është se ata janë mund të jenë prekur nga virusi dhe janë futur në karantinë.
