Gratë po bëhen të varura nga lojërat e fatit. Ekziston një vend i cili rrëzon të gjitha aludimet se burrat janë më të orientuar drejt tyre.
Pikërisht në Suedi gratë kanë varësi më të lartë ndaj lojërave të fatit. Një sondazh i realizuar me 45 mijë persona që kishin varësi ndaj lojërave të fatit, tregoi se 64 përqind prej tyre ishin gra. Duhet thënë se ky fenomen ndodh për herë të parë në historinë e Suedisë.
Studiuesit treguan se në krahasim me vitin 2015-të, kishte një rritje prej 18 përqind të personave që kanë varësi nga lojërat e fatit në internet, ndërsa theksuan se varësia ndaj bixhozit ishte ulur.
Por ajo çfarë përmendet më shumë në raport është fakti se tendenca për të luajtur po rritet tek gratë, pavarësisht se shihet një ulje nga ana e meshkujve.
Popullariteti i këtyre lojërave në internet ka bërë që gratë të jenë më të varura, raporton BBC.
