Tashmë është zbuluar slogani që ka vendosur Partia Demokratike për protestën kombëtare të thirrur më 12 nëntor. “Shqipëria në rrezik, protesto, t’i dalim zot, bashkë”, është slogani i PD të cilin e ka postuar në rrjetet sociale Dega 6 e PD.
Kryetari i Partisë Demokratike, Sali Berisha, në një deklaratë për mediat njoftoi se më 12 nëntor do të mbahet protestë kombëtare.
Kjo sipas tij, për t’i dhënë “përgjigjen e merituar”, kryeministrit Edi Rama dhe “klikës së tij në pushtet”.
“Më 12 nëntor, opozita, PD, Partia e Lirisë dhe forca të tjera opozitare nisin betejën kundër regjimit të Edi Ramës. Në të katër anët e Shqipërisë po bien sirenat e urrejtjes ndaj monizmit të Edi Ramës”, tha Berisha.
