Teksa na ndajnë 4 ditë nga data 30 qershor, kur mazhoranca do të shkojë në zgjedhje, zbulohen detaje nga aksioni opozitar.
Ditët e ardhshme, duke kulmuar me 30 Qershor dhe pas kësaj date, do të jenë ditë protestash në të gjithë vendin. Opozita dhe qytetarët do të protestojnë në të 61 bashkitë e vendit. Sipas tyre, ky aksion do të jetë në mbrojtje të demokracisë, rendit kushtetues dhe kundër farsës së votimeve të paligjshme.
Në bashkëpunim me Aleancën Qytetare në Mbrojtje të Demokracisë, Partia Demokratike dhe aleatët e Opozitës së Bashkuar kanë njoftuar protesta në të gjitha bashkitë kundër votimeve njëpartiake, në kundërshtim me Kushtetutën. Protestat venë në dukje bashkëpunimin e Edi Ramës me bandat e drogës dhe krimit të organizuar.
Protestat do të shtrihen në të gjithë vendin, dhe sipas informacioneve, do të zhvillohen në sheshe qendrore dhe pranë KZAZ-ve.
