Detaje të reja janë hedhur në dritë lidhur me përplasjen me armë zjarri në qytetin e Vlorës, në zonën e Lungomares. Nga ana e policisë është zbuluar se kush ka qenë shënjestra e atentatit me armë zjarri kallashnikov.
Bëhet fjalë për shtetasin I.Hajrulla, person me precedent të mëparshëm penal. Ai është djali i një biznesmeni të qytetit bregdetar, pronar i disa lokaleve.
Në vitin 2017, 27-vjeçarit iu bë një atentat me eksploziv. Si pasojë e shpërthimit të lëndës plasëse, ai mbeti i plagosur rëndë duke pësuar dëmtime në të dyja këmbët. Hajrulla është arrestuar në vitin 2013, për grabitjen me armë të një kazinoje, por u la i lirë për mungesë provash.
Ndërsa në 26 dhjetor 2016, i riu u prangos gjatë një kontrolli të policisë, pasi iu gjet një armë zjarri pistoletë, pa leje. Sakaq, sot, si pasojë e shkëmbimit të zjarrit në Vlorë mbeti i plagosur shtetasi Dajko Cenodemaj.
