Avokati Altin Goxhaj është i mendimit se rrjeti Soros po sundon në Kosovë. I ftuar në studion e “Fax News”, avokati paralajmëroi se rreziku është tejet i madh. Në bazë të dhënave që ata nxorën, kuptuan se Edi Rama ka qenë kumbari që krijonte marrëdhënie midis Vuçiç dhe Thaçit, ose më sakt, si njeriu që bënte garant për Sorosin në Kosovë dhe Serbi.
“Ne ishim në Prishtinë për të prezantuar tezat anti-Soros, tre ditë para se të mblidhet Kuvendi i Kosovës. Kuptuam që problemi që shkuam të trajtojmë ishte më i madh se mendonim ne.
Ne shkuam të prezantojmë tezat anti-Soros, ku sipas nesh, Alex Soros e ka pranuar edhe vetë që të gjithë takimet prej një viti, në Shqipëri, në Kosovë, dhe në Serbi, të cilat finalizuan me dështimin e 3 gushtit të planit Thaçi-Vuçiç, u dështua nga forcat amerikane të NATO-s, në Kosovë, e shtuna e planifikuar për të ndodhur një përplasje, ku fajin e mbanin shqiptarët dhe provokimi absurd që Presheva do të hiqte nga Kosova dhe kjo krijoi një prezencë frike.
Sipas nesh, George Soros që u zbulua, nga ne në fillim të gushtit, por që e pranoi në fund të gushtit, me postimet që ai bëri që shpjegonte që takimet që ai bënte, i bënte për shkaqe të marrëveshjes që po lidhte Vuçiç me Thaçin. Sipas të dhënave që ne nxorëm ishte që Edi Rama, ishte kumbari që krijonte marrëdhnie midis Vuçiç dhe Thaçit, ose më sakt si njeriu që dilte bënte garant për Sorosin në Kosovë dhe Serbi.
Në këtë skemë ekzistojnë të gjitha të dhënat për të treguar se kjo është rruga për të kthyer mbrapsh edhe influencën kombëtare që ka lëvizur dhe ka lejuar këtë lloj skeme në Bashkimin Europian, në kundërshtim me shtetet e Bashkimit Europian.
Vendimi i ministrave të Bashkimit Europian për të kundërshtuar mbi shkëmbimin e trojeve në Kosovë dhe Serbi. Por ndërkohë kjo e pranuar dhe e favorizuar nga Komision Europian dhe kemi shpjeguar që Bashkimi Eruopian sipas nesh kontrollohet nga Sorosi, pasi këta diplomat, janë pjesë e një rrjeti më të madh. Pikërisht në këtë lloj situate për goditjen e Sorosit në Kosovë, duhet të merret menjeherë një impakt pozitv si në Amerikë, si në Europë”, tha ai.
Sakaq, Presidenti i Kosovës, Hashim Thaçi është shprehur se procesi i kërkimit të një marrëveshjeje përfundimtare për normalizimin e marrëdhënieve me Serbinë bart me vete shumë rreziqe. Sipas tij, “nuk ka rrezik më të madh për Kosovën, sesa të vazhdojë të qëndrojmë kështu në një gjendje pezull”.
Ai i bëri këto komente para shefave të misioneve diplomatike të shteteve anëtare të Bashkimit Europian, Ambasadës Amerikane, KFOR-it, OSBE-së dhe EULEX-it.
Thaçi ka trajtuar edhe çështjen e shumëdiskutuar të këtyre ditëve, gjë që tregon se ai vazhdon t’i qëndrojë idesë së tij. “Njohja reciproke ndërmjet dy shteteve do të mund të përcillet edhe me një proces të rakorduar mes dy palëve, për korrigjimin e kufirit mes Kosovës dhe Serbisë.
Duhet të jem sërish shumë i qartë. Ky proces do të shënonte fundin e konfliktit të gjatë, mbi një shekull, mes Kosovës dhe Serbisë. Jo fillimin e një konflikti të ri! Por, fundi i kësaj epoke do të konstatohet vetëm kur ta bëjmë marrëveshjen e madhe politike mes nesh dhe Beogradit”, u shpreh Thaçi.
