Sekretari i Kabinetit britanik, Mark Sedwill, zbulon se ka ekzistuar një “plan B”, nëse Boris Johnson humbte jetën, apo rëndohej nga koronavirusi.
Ai tha se në momentin që kryeministri u testua pozitiv, u mor parasysh skenari më i keq dhe Johnson e miratoi vetë planin.
“Vazhdimësia e qeverisjes natyrisht është një nga parimet kryesore të Kushtetutës së çdo vendi, dhe kështu ne u siguruam që të kishim vendosur masat e nevojshme. Duke qenë se ai u fut në terapi intensive dhe kishte nevojë për trajtim ndërsa ishte atje, kjo është arsyeja pse ne … biseduam me të për këtë paraprakisht kështu që ishte në autoritetin e tij, që Dominic Raab të emërohej si Sekretari i Parë i Shtetit dhe në thelb kishte shumicën e përgjegjësive të kryeministrit. Nuk ishte vetëm, Zoti na ruajt, nëse gjendja e tij do të ishte përkeqësuar, por ndërsa ishte në kujdes intensiv nuk ishte e mundur që ai të ushtronte të gjitha funksionet e kryeministrisë”, tha ai, raporton Sky News.
Mark Sedwill do të largohet këtë javë nga detyra, pas dy vitesh që mban postin.
