Manchester City është një nga klubet më të avantazhuara për të marrë shërbimet e Leo Messi-t nëse argjentinasi largohet nga Barcelona.
Sipas ESPN, klubi anglez, që i përket “City Football Group”, po mendon që t’i ofrojë numrit 10 të Barcelonës një kontratë prej 3 vitesh në Premier League dhe më pas dy vite të tjera kontratë në New York City, në kampionatin amerikan të futbollit.
Messi e sheh me sy të mirë kalimin te City dhe sipas mediave katalanase, vetë ai ka telefonuar javën e kaluar Pep Guardiolën për të folur për një transferim të mundshëm, shkruan “A2”.
