Grupi parlamentar i PS u mblodh sot në ambientet e Kryesisë së Kuvendit, ku ndryshe nga sa pritej, nuk ka diskutuar lidhur me skandalin e fundit, ku djali i deputetit Rrahman Rraja ka qenë i përfshirë në dhunimin e një vajze të re.
Burimet bënë me dije se Rama është larguar nga mbledhja për shkak të agjendës, ndërsa ajo që ka rënë në sy ka qenë mungesa e vetë deputetit Rraja në mbledhjen e grupit, teksa kishte informacione jo zyrtare, se mund të vendosej dhe për përjashtimin e tij.
https://tiranatoday.com/rama-takon-rucin-dhe-mbledh-deputetet-nuk-flet-me-per-dhunimin-e-xhisieles/
Kreu i grupit Taulant Balla, ka deklaruar se PS duhet të ndjekë agjendën e saj politike, dhe të lërë opozitën që të ketë pretendimet e saj. Ai ka ironizuar qëndrimet publike të opozitës, duke thënë se kjo forcë politike ka hallet e saj.
“Opozita ka hallet e veta, duhet të merremi me agjendën tonë parlamentare dhe politike”, ka thënë Balla.
Rexhep Rraja u arrestua nga ana e policisë së Krujës, duke shfryrë dhe akuzat që rëndojnë në ngarkim të tij në vetëm “përndjekje”, dhe jo “dhunë” apo “armëmbajtje pa leje”.
https://tiranatoday.com/rrexhep-rraja-u-arrestua-per-perndjekje-dhe-jo-per-dhune-ja-sa-vite-rrezikon-djali-i-deputetit-te-ps/
