Rrëshqitjet e dheut zbuluan diçka shumë mbresëlënëse në Follorinë në Greqinë veriore. Punonjësit Korporatës Publike të Energjisë u befasuan kur panë se në vendin ku ata po punonin shfaqen fosile të një ‘elefanti prehistorik’.
Media greke “Themanews” shkruan se fosilet e gjetura janë të një Mastodone një paraardhës i elefantit. Mbetjet u pikasën në një shpellë që u zbulua nga rrëshqitjet e dheut në vendin ku punëtorët e KPE-së po gërmonin në Amynteos.
Gjate periudhës se komunizmit, në të njëjtën zone, edhe në tokën shqiptare, në afërsi të Bilishtit, janë zbuluar mbetje të kësaj specieje të zhdukur, që shkencëtarët e kanë emërtuar Mastrodontë.
Për rastin e gjetjes në Greqi, zyrtarët e Muzeut të Ptolemais Paleontologjike mblodhën fosilet dhe transportuan në muze për mirëmbajtje të mëtejshme.
Nga histori dimë se Mastodonët janë paraardhës e elefantit të sotëm. Fosile të këtyre kafshëve janë gjetur në Evropë, Azi dhe Amerikën e Veriut. Por mënyra se si u zhdukën mbetet akoma mister. Këto kafshë mendohet se janë zhdukur në Evropë dhe Azi rreth 2 milion vjet më parë, por mbijetuan në Amerikën e Veriut deri në 10,000 vjet më parë. Tirana Today
