Është identifikuar autori i katërt i dyshuar për ekzekutimin e Jurgen Kurtit.
Mësohet se personi që është shpallur në kërkim është Klodjan Bane, 38-vjec, nga Patosi, i cili qëlloi dhe la të vdekur Kurtin.
Mjetit tip “Benz” ngjyrë gri me të cilën iu bë atentat Jurgen Kurtit ditën e ngjarjes, Klodian Bane i kishte mbivendosur targa false.
Makina është ndjekur nga kamerat e sigurisë dhe është kapur duke u futur në një rrugicë ku ka hequr targat false për të vijuar të qarkullojë me targat e veta. Ishte pikërisht ky detaj që ndihmoi policinë të identifikojë pronarin dhe me pas 3 miqtë e tij tashmë të arrestuar.
Bane nuk ka njohje personale me viktimën, por mësohet se edhe ky ka qënë i paguar për vrasjen se bashku me tre te tjeret qe tashme jane te arrestuar, konkretisht: Elsi Levendi lindur në Athinë/Greqi dhe banues në Tiranë, Olsi Qalliaj 22 vjeç, lindur në Fier dhe banues në Patos dhe Alesio Berberi 33 vjeç lindur në Patos dhe baunes në Patos, Fier.
