Mbrëmjen e djeshme u zhvillua “Turneu i Bamirësisë”, i cili mblodhi lojtarët me të mirë të viteve 2000, nga Shqipëria, Italia, Greqia dhe Turqia.
Gjithsej u zhvilluan 3 ndeshje, të cilat zgjatën nga 35 minuta. Në fund triumfuese u shpall skuadra italiane me trajner Xhani de Biazain, e cila mundi në finale skuadrën greke. Kombëtarja shqiptare u skualifikua që në ndeshjen e parë kundër Italisë, ndeshje e cila u vendos nga penalltitë në përfundim të sfidës.
Për skuadrën shqiptare u aktivizuan emra të njohur të futbollit si: Strakosha, Curri, Hasi, Dallku, Dede, Lala, Skela, Murati, Shaqiri, Rraklli, Tare dhe Ilir Shulku si trajner. Mirëpo ajo çfarë habiti të gjithë tifozët kuqezi ishte mungesa e kapitenit legjendar Lorik Cana.
Sipas “Panorama Sport”, arsyeja që Cana ka munguar është se ai brenda këtyre ditëve pret të bëhet baba për herë të dytë. Mësohet se ai i kishte njoftuar organizatorët e aktivitetit se e ka të pamundur për të qenë në Tiranë më 10 janar.
