Dje u mësua se televizioni “InTV” do të mbyllet. Burime për “Iconstyle.al” kanë zbuluar mënyrën si u është dhënë lajmi. “Ditën e hënë, stafit të “IN Tv u është komunikuar mbyllja e televizionit. Punonjësve u është thënë nga drejtuesit e këtij televizioni se licensa e “IN TV” është blerë nga “Euronews”, dhe pas kësaj blerje, godina e “IN TV” do të boshatiset dhe sinjali i televizionit do të fiket. 80%-90% e stafit do të rekrutohet nga “Euronews”, tregon burimi.
Më tej shton se shkak për mbylljen e papritur të televizionit, është bërë një përplasje mes dy pronarëve. Siç duket, mbyllja e televizionit ka qenë e papritur, ndërsa emisionet kishin nisur xhirimet. “Mbyllja ishte e papritur, pasi emisionet kishin nisur promot dhe xhirimet, por mes dy pronarëve tashmë të “IN TV” lindën perplasje për shkak të shifrave të blerjes së kompanisë, gjë që çoi në mbylljen e televizionit”, tregon më tej burimi.
“IN TV” është hapur disa vite më parë, dhe si fillim ka pasur emrin “MAD”. Pjesë e tij u bënë moderatorë të rinj, të cilët tani janë duke debutuar në televizionet më të njohur në Shqipëri.
Në “IN TV” transmetoheshin emisione si “Trokit”, “Fun Day”, “Kafe in”, nga moderatorë të njohur si Ermal Peçi, Fatma Methasani etj dhe këta të fundit nuk kanë dhënë ende një prononcim.
Moderatorja e “IN TV” zbulon të pathënat për mbylljen e televizionit (foto)
