Kryeministri Rama është shprehur i bindur se në pamjet filmike të komisariatit të Fushë-Krujës, nuk është në asnjë moment kreu i grupit parlamentar të PS-së, Taulant Balla.
“Unë kam parë kamerat. Ka kamera në atë komisariat. Nuk ekziston as Taulanti, po as ky. Ai ka kujtuar se kamerat nuk punojnë. Për fat të keq, serveri ka ruajtur të gjithë imazhet. Për fatin e tij të keq dhe të gjithë shpifësve, serveri i ka ruajtur të gjitha imazhet”, ka deklaruar Rama.
Në kundërpërgjigje të kësaj deklarate, vjen edhe qëndrimi i gazetarit Basir Çollaku. Ai thotë se kamerat e Ramës janë gjithnjë bosh, kur kanë brenda trafikantë dhe vrasës.
