“Big Brother VIP” këtë vit do të zhvillohet edhe në Kosovë, ku do të moderohet nga Alaudin Hamiti dhe Jonida Vokshi. Në një video të përbashkët treguan se “Big Brother Vip” Kosovë pritet të nisë në tetor, por ende nuk dihet data fikse.
“Big Brother Vip” Kosovë përveç çmimit të dyfishuar në 200 mijë euro, do të ketë edhe dy prezantues. Moderatorja dhe aktorja e njohur Jonida Vokshi, ka zbuluar se si e ka marrë ftesën për të qenë pjesë e formatit të njohur.
“Po pija kafe me mamin, kur më shkruan Liberta në Instagram dhe më kërkon numrin e telefonit. Mendova më do për tek programi i vetë, ndërkohë që isha në këto mendimet e mia që unë edhe nuk këndoj. Brenda një ore e pak më shkruan Adriatik Kelmendi, drejtori i Klan Kosovës, për të pasur një telefonatë. Aty i thash mamit, drejtori i Klan Kosovës do të flasi me mua.
“Thjesht isha në dilemë çfarë do të më thonte. E marr menjëherë në telefon, dhe më propozon moderimin e “Big Brother Vip” Kosovës. Aty filloj zemra dhe u nisa për Prishtinë. Ishte një ndër lajmet më të bukura që kam marrë”, ka treguar Jonida për “Prive”.
