Një operacion i kryer së fundmi nga policia, ka nxjerrë në pah një tjetër parcelë me drogë. Bëhet fjalë për tre parcela të mbjella me fidanë kanabisi, të cilat janë gjetur në zonën e Kepit të Rodonit, gjatë kontrollit të vijës bregdetare.
Janë rreth 300 fidanë gjithsej të mbjellë në zonën e pyllit, larg qendrës së banuar. Operacioni në fjalë u organizua në bazë të informacioneve të siguruara në rrugë operative nga policia kufitare e Durrësit, dhe ende nuk dihet nëse ka të arrestuar.
